Patok sa takilya

(Bulgar newspaper, january 12 issue)

TEPOK ang pitong katao sa tatlong magkakahiwalay na PAGSABOG sa Mindanao.
Nakupp, hindi pa tapos ang New Year celebration.

----$$$---
NAKITA na ang isang PIRASO ng nawawalang eroplano sa Indonesia.
At least, natiyak nilang BUMAGSAK ito at hindi totoong patuloy pa sa pagbiyahe.

----$$---
NANGANGAMBA ang mga residente ng Bo. La Purisima Concepcion sa Pedro Gil St., Paco, Maynila partikular ang mga taga- Block 22 dahil sa mga kaduda-dudang kalalakihan na dumadayo dito sa DIS-ORAS NG GABI na hinihinalang “umiiskor” ng shabu.
Nagbalik na kasi sa naturang teroritoryo ang isang dating”tulak ng shabu” na isang “alyas Barok” na sinasabing miyembro ng Barangay Tanod.

-----$$$---
SANA'Y imbestigahan ito ni Superintendent Perez ng Presinto 10 na sumasakop sa naturang lugar.
Kapag nalaman ito ng aking “classmate” na si acting Manila Police District Director General Danilo Abarzosa, delikadong ma-raid kayo dyan.
Tokayo, paki-trabaho mo naman ito.

----$$--
ISANG perhuwisyo naman ang isang tindahan ng lutong pagkain na nasa kanto ng Bo. Sta Maria at Block 20 ng La Purisima dyan din sa Pedro Gil.
Gumagamit kasi siya ng DAMBUHALANG PAYONG na nakabarikada mula umaga hanggang gabi kaya't hindi makaraan nang maayos ang mga sasakyan.
Mayor Lito Atienza, paki-trabaho naman ito sa iyong HAWKERS TASK FORCE.

-----$$$---
PALILIITIN daw ng Meralco ang DISTRIBUTION charges.
Kunwari.

---$$--
BUMABAHA nang todo sa Visayas.
Sakloloooooo!

-----$$$---
PAUUWIIN na rin pala si JocJoc Bolante.
Hindi kaya gawin siyang “PATABA” sa lupa ng mga magsasaka?
-----$$$---

INARESTO ang mag-asawang Pinoy sa Hong Kong.
Ito ay sa simpleng “BOMB JOKE”.

-----$$$---
PINAYAGAN na ng MTRCB ang pagpapalabas sa publiko ng PELIKULA SA BUHAY NI ERAP.
Talunin kaya nito ang ENTENG KABISOTE 3 sa takilya?

-----$$$---
NASA bansa ngayon sina Freddie Roach at Erik Morales.
Makikipag-INUMAN lang sila ng beer kay Manny Pacquiao.

----30--

Defensor: Superstar o sa kankungan?

(Bulgar newspaper, for: january 03 issue)

NAGSISIKSIKAN ang mga aspirante sa pagkasenador sa hanay ng oposisyon.
Taliwas dito, nagsosolo si Sec. Mike Defensor sa inendorso ni Ate Glo sa senatorial slate ng administration party.
Magsasanib ang limang opposition party na pinamumunuan nina Sen. Ed Angara (LDP), Pareng Erap (PMP), Senate President Manny Villar (NP), Sen. Frank Drilon (LP faction) at Makati City Mayor Jejomar Binay (PDP-Laban).
Makakontra nito ang koalisyon ng Lakas-CMD nina ex-President Fidel Ramos at Speaker JDV; KAMPI ni Ate Glo; at Nationalist People's Coalition (NPC) ni Danding Cojuangco.
Natabunan na ng girian sa senatorial slate ang patuloy na pagtatangka ng ilang ayudante ng Malacanang na tuloy ang ChaCha.
Kapag kinunsinte ni Ate Glo ang ChaCha campaign sa gitna ng kapos-na-sa-panahong senatorial manuevers—hindi malayong pati si Sec. Defensor ay lumayas na rin sa kanyang poder.
Kapag bumaliktad si Defensor—bigla siyang magiging SUPERSTAR sa hanay ng oposisyon.
Pero kapag nanatili siyang sepsep sa Malacanang, hindi malayong mahawa at mabokya ang kanyang batambatang political career.
Kailangang magdesisyon si Defensor nang isang BOLDYAK—nakataya dito ang kanyang kapalaran sa hinaharap.
Maaaring bilyones ang kanyang kayamanan, pero may kabuluhan ba ito kung siya ay magiging isang TALUNANG POLITIKO sa gitna ng kanyang kasibulan?
------30----

Lucky charm ni Ate GloLBaboy!

(Bulgar newspaper, for: january 03 issue)

NAKALIGTAS ang 12 sa 102 pasahero ng bumagsak na eroplano sa Indonesia.
Iyan ang totoong BAGONG TAON, BAGONG BUHAY.

-----$$$---
MAGBUBUKLOD ang limang opposition party para sa senatorial election.
Maghihiwalay muli sila MATAPOS ang nominasyon.

-----$$$--
NAGSOSOLO si Sec. Mike Defensor sa INENDORSO ni Ate Glo bilang senatorial candidate ng administrasyon.
Hindi siya NAKAHALATA na ginagawa lamang siyang “tanga”.

-----$$--
AYON kay Pareng Erap: Sobra-sobra ang aspirante ng oposisyon para sa senatorial slate.
Hindi na pala puwede si Baby Mike.

----$$$----
PANIBAGONG impeachment ang ihahain kay Ate Glo matapos “itakas” si convicted rapist Daniel Smith mula sa Makati City Jail.
Iyan ay kung makokopo ng oposisyon ang mayorya ng mga kongresista sa 2007 election.

----$$$--
MISMONG si suspected gambling lord Bong Pineda ang campaign manager ng kanyang asawa na kakandidatong gobernador sa Pampanga.
Jueteng King and Queen?

----$$$---
ITATAAS na ang toll fees sa SLEX.
Pukawnamooo!

----$$$---
MARAMI na ang naghahanda ng New Years Resolution.
New Years resolution na hindi naman natutupad.

----$$$--
PINAKABUWENAS na lucky charms ngayon ang BABOY at mga mukhang BABOY.
Kaya tiyak na susuwertehin lalo si Ate Glo.
Kasama kasi niya lagi ang kanyang LUCKY CHARM.

-----$$--
MAS marami raw ang NABIKTIMA ng firecrackers at bala ng baril sa pagsalubong sa Bagong Taon ngayon kompara last year.
Puro kasi POLITIKA ang DOH imbes na magtrabaho nang todo.

-----$$$---
HINDI raw kakandidato bilang senador si Sec. Eduardo Ermita.
Nakakaramdam kasi siya ng PAGKATALO.
-----30---